S
M
Þ
M
F
F
L
29
30
1
2
3
4
5
6
7
8
9
11
12
13
19
20
21
22
23
24
25
26
27
28
29
30
31
1
2
3
4
5
6
7
8
9
Fyrri mánuður
maí 2012
Næsti mánuður
4. maí 2012

Skólaráð Hafralækjarskóla boðar nemendur, foreldra og starfsfólk til skólaþings miðvikudaginn 9.maí kl. 13:30 - 15:00.

Skólaþing er vettvangur fyrir nemendur, starfsfólk og foreldra til að koma saman og skiptast á skoðunum um skólastarfið.

Málefnin sem verða tekin fyrir að þessu sinni eru:
.        félagslíf nemenda
.        framboð í mötuneyti
.        jafnrétti
.        skólareglur
.        valgreinar


Fyrirkomulag verður með þeim hætti að þátttakendum verður skipt í fimm umræðuhópa.
Allir hópar geta rætt öll umræðuefnin en þó eftir ákveðinni röð þannig að tryggt sé að þau verði öll rædd.  Hvað er fólk ánægt með og hvað má betur fara? Í lok þings greina hópstjórar frá niðurstöðum.

Boðið verður upp á hressingu í lokin.

 

26. apríl 2012

Vorpróf Tónlistardeildar verða 7. og 8. maí.

Nánari upplýsingar verða sendar í tölvupósti til foreldra.

 

Vortónleikar verða fimmtudagskvöldið 10. maí kl. 20.00.

25. apríl 2012

Félagar úr Hjálparsveit Aðaldæla hafa boðið eldri nemendum skólans upp á hjálparsveitarval í vetur. Í síðustu viku fórum nemendur og hjálparsveitarmenn í ferð austur í Lambafjöll þar sem nemendur léku sér í snjónum á hinum ýmsu tækjum. Um kvöldmatarleytið var síðan grillað í hjálparsveitarhúsinu. Myndir á myndasíðu;)

 

 

23. apríl 2012

Síðastliðinn þriðjudag fór 4.-7. bekkur á Skjálftasafnið á Kópaskeri og í Gljúfrastofu.

Skjálftasetrið og Gljúfrastofa hafa tekið höndum saman, og útbúið kennsluverkefni í tengslum við heimsókn nemenda á þessi tvö fræðslusetur. Megin markmið þessa verkefnis er að fræða grunnskólanemendur um jarðskjálfta og eldgos og áhrif þeirra á mannskepnuna, umhverfið og landslag. Eins og nemendur fengu að kynnast þá næst sterkari upplifun og betra tengsl við námsefnið með því að heimsækja svæði þar sem áhrif jarðskjálfta og eldgosa eru sýnileg, bæði í landslagi og í menningu.

Á myndasíðunni hér til hliðar má sjá nokkrar myndir úr ferðinni.

16. apríl 2012

Fimmtudaginn 12. apríl fóru allir nemendur skólans á skíði. Veðrið var einstaklega gott, bjart og stillt. Nemendur skemmtu sér vel í brekkunum enda færið frábært. Hér til hliðar má sjá nokkrar myndir úr ferðinni.